کینیا میں ٹریفک حادثے میں 27 افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ کینیا میں ہونے والے ایک ٹریفک حادثے میں 27 افراد ہلاک جبکہ متعدد زخمی ہو گئے ہیں ، کئی زخمیوں کی حالت انتہائی تشویش ناک بتا ئی جا رہی ہے  اطلاعات کے مطابق کینیا کے سرکاری حکام کا کہنا ہے کہ حادثہ نیروپی موباسا ہائی وے پر اس وقت پیش آیا جب ایک آئل ٹینکر اور تیز رفتار بس آپس میں ٹکرا گئے۔ حادثے کے نتیجے میں کم از کم 27 افراد ہلاک جبکہ متعدد زخمی ہو گئے، زخمیوں کو فوری طور پر ہسپتال داخل کر دیا گیا ہے جبکہ حادثے کی وجوہات جاننے کے لئے تحقیقات شروع کر دی گئی ہیں۔ادھر کینیا کے صدر نے نیروبی میں ہونے والے افسوسناک حادثے پر گہرے دکھ اور افسوس کا اظہار کیا ہے ۔